سحلة تفكير في يوم جمعة

ساعات كتير لما بقعد أفكر مع نفسي ان في حاجات كتير كان نفسي تحصل وما حصلتش بكون مضايق ....بالرغم ان الواحد لازم طبعا يبقي راضي بقضاء ربنا وتدبيره للي بيحصل في حياته بس ساعات كتير للاسف النفس بتضعف 

يعني مثلا انا كنت بحب واحدة لمدة سنتين وكان نفسي اني ارتبط بيها ارتباط رسمي لكن كل المشاكل تيجي في ان البنت مشاكل الدنيا معاها بسبب علاقة مؤذية كانت فيها وانا ما تبقاش مناسبة ليا لا من ناحية الطباع ولا التفكير وان انا ظروفي المالية سئية لدرجة اني ما اعرفش ادخل في حاجة رسمي واني انحط في الصخر حرفيا عشان نبقي في حاجة رسمية والاصعب من ده كله اكتشف ان بالرغم ان البنت المفروض طلعت من العلاقة المؤئية اللي كانت فيها مخلية ليها علاقة اللي كانت معاه في العلاقة وبتحبه لدرجة انها مش عارفة تطلعه من حياتها اونها ممكن تقرر تضحي بأي حاجة او أي حد عشانه هو ! 

فعلا زي ما بيقولوا مراية الحب عامية وبتلغي اي تفكير منطقي للبني ادم لو مشاعره هي اللي بتحركه بس 

بقعد كتير افتكر ليها حاجات وقد ايه الواحد عدي معاها بمواقف كتير في الحلو وفي الوحش وبيحس قد ايه ان ازاي المفروض حد كان قريب منه في حياته ما يبقاش موجود فجأة مش لانه مات لانه قرر انه يمشي مش أكتر ومش بس يمشي لا يقطع كل سبل الوصول ليه لمجرد انك تواجهه بحقيقة هو بيهرب منها بدلا من الاعتراف بيها 

عامة انا بس اللي بيضايقني العشرة والعشم اللي الواحد كان حاطه فيها وفي الاخر كله بلح وان اي حاجة الواحد حاول يعملها ليها كويسة نسيتها في لحظة واحدة 

عامة اللي بيتكسر مش بيتصلح وانا بتمني ليها كل الخير وان ربنا يهدي ليها نفسها وييسر ليها كل صعب ويبعد عنها ولادا الحرام ويرزقها من الحلال ويفك كربها ويفرج همها ويطمن قلبها 

من ناحية الجامعة ربنا ييسر لينا ان شاء الله المادة دي علي خير ونعدي بقي من مرحلة العذاب بتاعت العشرينات دي 

أما من ناحية الشغل الحمد لله الامور لغاية دلوقتي متيسرة وربنا بيرزق ولو ليا نصيب في حاجة هاخدها حتي لو حصل ايه ما دام انا بسعي وبعمل اللي عليا 

كل اللي انا عاوزه من الدنيا الستر والصحة وان ربنا ما يحوجنيش لحد ويخلي أبويا وأمي ليا .....مش محتاج أكتر من كده 

أما الفلوس الجواز السفر أي حاجة تانية نفسي فيها لو خير وبركة مفيش هرضي بقضاء ربنا ما دام انا سعيت وان الله لا يضيع أجر من أحسن عملا