Shorty Thoughts

لاول مرة احس في حياتي اني ما بقتش بهتم بحاجة او بجري علي حاجة ....حالة من اللامبالاة موجودة عندي وزادت جدا الفترة اللي فاتت ...صحاب بيلوموا عليك وممكن تخسر علاقتك بيهم عادي مش فارق معايا فلوس اخسرها وابقي مفلس عادي ....احب حد ويعديني عادي مش مشكلة وبقي عندي اكتر احساس اني ببقي كويس لما بكون بعيد عن الناس ولو نزلت اقعد مع الناس انا عارف انها فترة مؤقتة وهرجع هقعد لوحدي تاني عادي لاني اتعودت علي كده اعمل كل حاجة لوحدي هي اعراض اكتئاب موجودة عندي من زمان وبيجي زي كل فترة ليا نوبات اكتئاب ممكن تخليني اعيط فترات طويلة وانا مش عارف السبب ايه اصلا ...لو نزلت اخري بنزل مع اتنين صحابي ولو اتكلمت بيبقي الكلام علي القد مش كتير وهري في اي حاجة بعيد عن مشاكل او حوارات  طبعا بقيت بحب السوشال ميديا وانا اعرف اي ناس غريبة عني وارغي معاهم في الشات ...بقيت حاسس ان مش منتمي للمكان اللي انا فيه واسلوب حياتي اتغير تماما ولازم ابقي في مكان تاني غير هنا تجربة السفر فعلا بفكر فيها يمكن دي طوق النجاة اللي هيطلعني من الدوامة اللي انا عايش فيها دي ومش عارف اطلع منها  وعلي رأي كايروكي ( اصل انا تايه

علي قد ما الواحد دلوقتي في حياته بيتعلم من المواقف والناس اللي بيقابلهم ...علي قد ما بيتكسر كتير في الفترة دي سواء من اشخاص او مواقف  من اخر مرة كتبت فيها اني كنت في الشغل الاوقات الحلوة مش دايما بتستمر زي ما بيقولوا اضطريت اسيب الشغل عشان الامتحانات والخرا الكلية وكالعادة خسرت الاتنين الشغل والجامعة الحمد لله علي كل شئ بس الواحد بيضايق ان لو كسب حاجة بيخسر قدامها عشرين او يخسر كل حاجة مرة واحدة  المهم الواحد ربنا كرمه بشغل تاني احسن وبفلوس احسن نسبيا من الاولاني وناس بتتعامل معايا كويس جدا بمنتهي الاحترام وكأنهم اهلي بنشتغل وبنهزر وبنضحك  في الفترة دي طبعا بعيدا عن الشغل حاولت اكسر الاحباط والفشل اللي محيط بحياتي ومش راضي يسبني في حالي ....ابتديت في بيزنس جديد اونلاين ان شاء الله يبقي فاتحة خير عليا  كمان ابتديت اتعلم اسباني مع ان سبحان الله اخر لغة توقعت اني اتعلمها والحمد لله مخلص كورسين لحد دلوقتي كمبتدأ ولسه مستمر ان اطور نفسي اكتر  برده بحاول اتقل مهاراتي في المبيعات واتعلم تسويق وادارة اعمال مع محاسبة عشان خطوة البيزنس اللي ببدأ فيه ده هيفرق معايا كتير 

لأول مرة من فترة كبيرة جدا احس ان حياتي حصل فيها احداث كتير بعيدا عن حياتي في التعليم وكفاحي فيه ....اخر مرة كتبت فيها من ساعة ما سقطت للمرة الرابعة واني لسه قاعد تسع سنين في الكلية بدل تمانية رجعت تجربة اني انزل اشتغل تاني بعد تقريبا ست سنين وانا قطعت الفكرة من دماغي واشتغلت شغل من البيت بس مش مجزي بالنسبة ليا ومش مضمون زي ما كان في الاول ....قررت ساعتها اني هنزل اشتغل شغل يخليني احتك مع الناس والحياة مش من ورا الشاشة ....وقولت احسن شغلانة اتعلم منها مهارات واني اتعامل مع ناس كتيرة واكتسب خبرة كويسة منها هي السيلز فقولت اتوكل علي الله وادور ...طبعا عشان انا لسه مش متخرج دورت كتير لغاية ما لقيت شغلانة مندوب مبيعات داخلي في شركة فلاتر ميه ...صحيح كان المرتب شئ لا يذكر والعمولات شرحه لكن قولت ما دام جنب البيت وتلات او اربع ساعات مش مشكلة اديني مش خسران حاجة وبتعلم ...بس للاسف ما استمرتش لان صاحب الشركة طير الفريق كله ونصب علينا بشياكة وهما يا دوب الشهرين اللي قعدتهم فيها ....علي قد اللي حصل ده لكن الصراحة الواحد اتعلم وقابل ناس كتيرة اصحاب شركات ناس شقيانة وتعبانة ناس بتعافر في الد