Shorty Thoughts

انا ابتديت دراسة من حوالي اسبوعين وده الاسبوع التالت ....حاسس اني بقالي كتير في الكلية وان الوقت بيعدي بطئ جدا ...يمكن عشان انا مستعجل اني اتخرج بدري وابدأ حياتي المتوقفة منذ 8 سنوات علي طول واحاول اعوض اللي فاتني او يمكن اني قلقان اني اخلص هم الجامعة والقرف بتاعها واشوف العك اللي مستنيني بره اللي مش شايف ليه اي ملامح علي الاطلاق بقيت عامل زي المسجون اللي عاوز يطلع بره السجن ويجرب الحياة عاملة ازاي وفي نفس الوقت خايف انه يكون طلع من سجن صغير لسجن اكبر منه واصعب كل اللي نفسه اعمله الفترة دي اني احاول استمتع باللحظات اللي اقدر اقعد فيها مع نفسي لاني علي ما اعتقد مجرد ما اطلع مش عارف اعمل كده وهاخد فوق دماغي لما اقول يا بس

أخيرا وبعد طول معاناة وصلت للوحش ...اخر سنة ليا في التعليم والدراسة كلها ....علي قد ما انا فرحان اني اخيرا وصلت للمرحلة دي علي قد ما انا خايف من اللي بعد المرحلة لكن خليني افكر في كل مرحلة علي حدا  يمكن عشان هدخل في نطاق مسئوليات اكبر وهأخد قرارات اكبر من اللي بأخدها دلوقتي وهيبقي في نوع ما استقلالية في حياتي سواء ماديا او معنويا صحيح المرحلة دي وصلت ليها متأخر لكن الحمد لله علي كل شئ ...المهم اني وصلت ممكن اكون اتعلمت كذا حاجة من التجارب اللي فاتت 1- هتقابل ناس في حياتك هيقعدوا مدة وهيطلعوا ...لازم تتقبل ده  2- هتتصدم في مواقف واشخاص كتير عادي ما تستغربش وكمل طريقك عادي 3- غير طريقة تفكيرك وابدأ انك تغامر وتطلع من منطقة الراحة ...ودي نقطة مهمة للاسف اكتشفتها متأخر وندمان اني ما عرفتاش بدري 4- تقدر تعلم نفسك كل حاجة وفي اي سن وفي اي مكان وتحت اي ظرف 5- مهما كانت الظروف المحيطة حواليك سيئة تقدر تستغلها لصالحك 6- الارتباط او البحث عن شريكة حياتك شئ مهم لكن مش ضروري لازم يبقي ليك اهداف وطموحات عاوز تحققها في حياتك 7- جملة الناس معادن جملة صحيحة وبتبان في وقت الازمات ...الناس