صعوبة الاختيار
الناس بقت محتارة مش عارفة تختار مرسي ولا شفيق ....كل واحد خايف من التاني وخايف من اللي هيعمله في الشعب.شفيق هوا واجهة النظام القديم بس بشكل مختلف وهيتبع نفس النهج للنظام القديم ده رأي معظم الناس فيه .مرسي مرشح احتياطي نازل للاخوان والناس خايفة من انهم بيكوشوا علي كل حاجة مجلس شعب وشوري كمان رئاسة ده كده كتير وان المرشد هيحكمنا والكلام اللي ملهوش لزمة ده ....الاختيار صعب بس الفكرة انه شئ لابد منه ,في رأيي ان المقاطعة شئ ملهوش فايدة وبرجح كفة واحد فيهم عن التاني ..الحل انك تقارن ما بينهم مقارنة عادلة من غير مشاعر تبقي مقارنة منطقية واللي عقلك يقتنع بيه اكتر هوا اللي تختاره وموضوع ان الثورة ضاعت والكلام ده غلط عشان الثورة مستمرة واحنا مش هنقبل اننا نرجع ورا ...واي كان اي حد هيجي فيهم لازم يبقي حاطط حاجة في دماغه الشعب مش هيسكت تاني علي الظلم اظن الرسالة وصلت ربنا يكرم مصر بواحد يحفظها ويصونها من كل سوء