Shorty Thoughts

عمر الواحد ما مر بفترة صعبة وغريبة في حياته قد الفترة دي .....حياتي كان فيها خوازيق كتيرة لكن خوازيق الفترة دي رغم انها متكررة لكن مش عارف اتجاوزها بسلاسة زي ما كنت بعمل قبل كده  ممكن عشان بخلص فترة المفروض اكون فيها بكامل طاقتي وحيويتي وتقريبا فشلت في كل النواحي اللي اي شاب بيوصل ليها او لحاجات فيها علي الاقل  زي اني اتخرج من الجامعة ما اتخرجتش - او اني اشتغل في حاجة حاببها وعاوزها واقعد اكبر فيها ما اشتغلتش  - او اني ارتبط بحد احس انه نصي التاني ولما حسيت بحد الموضوع معقد وفاشل اني اوجد حل ليه عشان اعتبارات كتير من حيث الشخص اللي قدامي والماديات وحاجات كتير  او حتي فكرة مشروع شغال عليها قرب السنة مش مستفيد من عائد ليها بأي شكل - اللي هو اللهم لا اعتراض كل ما احس اني عاوز انجز مرحلة في حياتي بحس ان كل المراحل يا بخسر فيها واعيد من الاول وجديد او بوصل لنقطة معينة في المرحلة دي ومش بعرف اعديها حاجة كده زي انك تقابل وحش في لعبة والمفروض تموته عشان تكون خلصت اللعبة وانت مش عارف فعمال تحاول محاولات الله اعلم هتخلصها امتي  اللي هو انا بقيت بحس اني تايه مش عارف ابدأ او ار

ساعات الواحد ممكن بيبقي فاقد الرغبة في حاجات كتير جدا في حياته ...يعني انا بقالي فترة كبيرة جدا مش عندي شغف او رغبة في حاجات كتير ابسط الاشياء علي الاقل : الاكل , مش بيفرق معايا هأكل ايه النهاردة بكره الاسبوع الجاي ....حتي لو في مطعم بيعمل اكل حكاية عادي هشوف الاعلان او لو جبت منه مع صحابي مرة كلنا وخلاص  الافلام -المسلسلات - المزيكا : عادي مش فيلم ايه نزل او مسلسل ايه او مين عمل البوم ايه ونزل فين  حتي النزول علي القهوة اللي هو افضي دماغي من دوشة افكار وحاجات كتير ما بقتش احب انزلها او اقعد فيها كتير بصفة مستمرة ولو نزلت عشان ناس صحابي بقالي كتير ما شوفتهمش وعشان ما يزعلوش  قعدتي بقت متلخصة في اوضة مقفول بابها قدام شاشة اللاب توب وعلي حسب بقي اليوم بيمشي ازاي : حب شغل اي مزيكا شغالة عشان ما يبقاش في صمت قاتل  خلصنا شغل تمام نبدأ بقي رحلة ال scroll بتاعت Facebook تفتح تقعد نصاية كبيرك تقلب تلاقي ناس بتنزل posts عن عاملين ايه في حياتهم ووصلوا لايه دول حبة ...التانيين امراء واميرات الاحزان في نفسهم over rated فشخ  نوع تالت ضارب ابوها صرمة وقالب Facebook كوميكس -

في ناس بتعدي في حياتك كتير حبة منهم مش بيأثروا فيك وفي منهم بتحمد ربنا انهم بعدوا عنك وفي منهم بتزعل جدا من جواك لو المسافات ما بينكم بعيدة وانت حاسس ان مفيش تلاقي  الاشخاص اللي عرفتها تقريبا في اخر سنتين ليا انا ما فيش فيهم شخصية مأثرة فيا فعلا غير حد معين ....غالبا مش هتكون بتقرأ الحاجة دي وفاكرة اني مش بتفتكرها دايما بالخير ولو عليا اني افضل جنبها طول الوقت اي كان صفتي ايه  بس الفكرة كلها انك ساعات من جواك مش بتعرف تتكلم وتطلع اللي جواك للشخصية المفضلة والقريبة لقلبك - فكرة ان دماغك مش بتبطل تفكير وبتحط كل الاحتمالات دي بتقتل جواك مشاعر انك تقول لحد انك واحشني ما تيجي نتقابل - لو زعلان مني في حاجة تعالي نتكلم وحتي لو عملت كده والشخص اللي قدامك محتاج شوية محايلة انت مش عارف تعمل ده بتفكر فيها انك ساعات ممكن بتبقي عاوز حد يحايل فيك لمجرد تعرف غلاوتك عنده قد ايه مش لانك زعلان منه جدا - نفسك في الاوقات اللي انت كنت متضايق فيها من حاجة ممكن تكون بسيطة يسألك مالك في ايه احكي يسمع منك  ممكن ساعات بتبقي عاوز تحكي حاجة عن حياتك ولما بتحاول تحكيها الشخصية اللي قدامك بتبقي تعبانة

تقريبا الفترة دي من حياتي فترة مهمة جدا لازم ابدأ اركز فيها كويس عشان انا بخلص في العشرينات واللي انا كنت بعمله قبل كده ما ينفعش اعمله تاني في اوائل العشرينات كنت بقعد اجرب اكتر مش شغل واروح من مكان للتاني والدنيا اقعد اخبط فيها يمين وشمال ....لما بصيت علي انا عملت ايه في اخر سنتين قعدت افكر كتير اني ما ينفعش استمر بالمنظر ده لازم يبقي ليا كارير واضح بتعلم فيه وبطور من نفسي بحيث لما اخلص الكلية المشئومة اللي انا فيها دي تبقي حياتي ماشية بنظام - شغال شغلانة كويسة بمرتب كويس وبتعلم فيها وبعلي زائد اني ماشي في اني بشتغل علي البيزنس الخاص بيا تمام  عشان اقدر فعلا اظبط اي شئ تاني في حياتي علي الاساس ده لاني لو ما فكرتش في كده انا حرفيا بدفن نفسي بالحيا - عشان انا بشوف ناس صحابي ممكن يبقي شغالين وبياخدوا فلوس وفي المقابل ضاع سنين من عمرهم لا اتعلموا حاجة او عليوا فيها ولا منهم حوشوا شوية فلوس يعمل بيزنس خاص بيهم يعرفوا يكملوا فيه حياتهم  علي قد ما هيبقي فيها تعب ومعافرة واني هطلع بره ال comfort zone بس علي قد ما هكسب منها نفسيا وماديا ومهنيا قدام جدا  الحمد لله اني قدمت في شغل

في شخصيات حلوة كده لما بتقابلهم في حياتك بيفرقوا معاك جدا  بالذات لو في شخصية تلاقيها فاهمة جزء كبير من دماغك اللي مش بتتفهم اساسا وعارفة الي حد ما تتعامل معاك ...طبعا بيطلع عين اهلها معاك لكن انت مش بتعمل كده تقل لا عشان مش مقتنع ان في حد ممكن يحب يبقي قريب منك كده من غير حاجة ... بتبقي مش حاسس بالامان لما تلاقيه بيقرب منك ومش بيدور عليك في مصلحة او حاجة  حابب بس انه يكون معاك . لو الشخصية دي التعامل ما بينكم سطحي هتتعامل عادي - لكن لو الشخصية دي انت من جواك فعلا حاببها هيظهر منك تصرفات  ممكن تتشاف وممكن ما تتشافش في التعاملات ما بينك وما بينها - علي حسب الشخصية اللي قدامك هتاخد بالها من ده ولا لأ انا كشخصية انطوائية بقي عندي تخوف جدا ان حد يعرف تفاصيلي وبالذات لو بنت , يمكن عشان لما الواحد دخل علاقة فاشلة بكافة المقاييس وادي كل مشاعره فيها فحاسس انه بقي عديم الاحساس وانه خايف يحصل نفس اللي حصل معاه قبل كده. كمان الواحد بيبقي عنده فكرة انه ممكن يبقي متغفل في حاجة بطريقة غير طبيعية ...ان الشخصية دي ازاي بتتصرف علي طبيعتها كده وان الناس كلها شايفة العكس

فترة طويلة عدت عليا في حياتي كان فيها احداث كتير  عرفت ناس وخسرت واتبسط ان في ناس جميلة عرفتها هما الحقيقة تلات اشخاص اضافوا للناس القريبين ليا اول شخص ده صاحب صاحبه وجدع في وقت الجدعنة فيه راحت خلاص  تاني شخص ده تحس ان في شبه كتير ما بينا بس في النحس خاصة  بس هو مقارنة بيا النحس نسبته عالية عنده  تالت شخصية من اجمل الشخصيات اللي ممكن تعدي عليا في حياتي ....لفترة ما عرفتش حد دايما ابقي حاسس شعور حلو ناحيته يعني مثلا مجرد ما ابقي في نفس المكان ابقي مبسوط جدا ومش فاهم ايه السبب - ابص بصة كده من بعيد دايما من غير ما تاخد بالها  , لو مضايق او زعلان واتكلمنا شوية الاقي نفسي عادي وبقيت كويس طبعا الشخصية دي مش هتاخد بالها من الحاجات دي لانها شايفة اني غامض ومش باين ليا ملامح من الاساس وليها حق ....انسان معقد منطوي غير اجتماعي بالمرة هيتفهم ازاي ساعات كتير ببقي عاوز اتكلم بالساعات والايام والشهور مع الشخصية دي بدون اي ملل ....ببقي مهتم جدا بالتفاصيل اللي تتحكي فوق الوصف بالرغم اني مش بطلب اني اعرف ده ....حابب موضوع المشاركة من الشخصية دي حاجة طبيعية مش مصطنعة وببقي

لأول مرة هكتب حاجة وانا مش عارف احطها تحت مسمي ..... يعني يمكن كل ما بحس ان حياتي اتبدت تمشي في اتجاه صح وكويس الاقي كل حاجة اتشقلبت ....ابقي في شغل بقالي فيه حوالي 9 شهور اتعلم حاجات بس مش عارف اعمل اللي عاوزه . الاقي حد يبقي قريب مني واحس دايما احساس جميل تجاه ويمكن يبقي ادخل في حاجة ... يبقي الموضوع معقد وملهوش اول من اخر . احلامي وطموحاتي اللي عاوز اوصلها ولما احس اني اخدت خطوات حتي لو بسيطة جدا اني ماشي في الطريق الصح الاقي كل ده طار في ثانية.  اللي هو ما بقتش فاهم حياتي ماشية ازاي وفين وليه اصلا ..... بقيت عامل زي منير في اغنيته ( ايديا في جيوبي وقلبي طرب سارح في غربة بس مش مغترب وحدي لكن ونسان وماشي كده ببتعد معرفش او بقترب ) .