دوامة ذكريات
انك تبقي مربوط بدوامة ذكريات في حياتك وعايش فيها حاجة حلوة ونفس الوقت لعنة بتبقي عليك لبقية حياتك
مثلا انا عشان شخص انطوائي اي موقف او تعامل مع شخص ليه ذكريات عندي سواء حلوة او وحشة وللاسف بفتكر الاتنين بكل التفاصيل الممكنة ....والناس عندي في حياتي عبارة عن رصيد ما بين الاتنين دول وبحاول دايما اخلي الحلو بس اللي يبقي ظاهر مش الوحش
بس للاسف ساعات كتير الوحش بيغلب الحلو لانه كتير وان الحلو قليل قوي مقارنة بيه لو عملنا مقارنة بالعقل ...المشاعر ممكن تكسب الحلو علي حساب الوحش بس بتبقي مش دايما ومع اشخاص معينة
يعني انا مثلا في كام واحد من صحابي هما اخواتي مهما لو حصل ما بينا هفضل شايلة الحلو لانه كتير وما يتعدش وكمان ظهر في مواقف صعبة كتير من زنقة فلوس في نصيحة وقت شدة في فضفضة في حاجات كتير اوي ...دول شئ مفروغ منهم
الفكرة بقي في الناس اللي بتقابلها في طريق حتي لو المدة طالت ....يعني انا بفكر في كام حد عرفته من اول ما كنت في المدرسة لغاية دلوقتي وما اعرفش حاجة عنه كتير
بس الاصعب بالنسبة ليا ان البنت اللي اتعودت انها تكون في حياتي بصورة ما ودايما كنت بحس انها مرايتي واعرف اتكلم معاها في اي حاجة ومش بتكسف منها ما تبقاش موجودة
اللي فعلا كنت بتكلم معاها من جو قلبي حتي لو كان بالنسبة ليها مش كتير بس انا عمري ما سهل عليا حد يبقي قريب مني كده خصوصا لو بنت واكون بحبها واعزها كده
انا عارف اننا الوقت اللي عرفنا فيه بعض صعب وان المشاكل والخوازيق ملهاش اول من اخر وان شخصيتي وشخصيتها وطباعي وطباعها وطريقة تفكيري وتفكيرها عكس بعض وان ارتباطنا ببعض مستحيل باضافة كمان ظروفي المادية والعائلية الصعبة
ربنا يشهد اني بحبك جدا وانك واحشاني اوي واني مسامحك في اي حاجة حتي لو انت كنتي بتكدبي عليا سواء انك حبتيني او انك بتحاولي تعوضي حبك القديم بيا او اي حاجة حصلت في حياتك ما حكيتش عليها وخايفة اني اعرفها
واني اتمني ليك كل الخير والسعادة ويرزقك من رزقه الحلال وان ربنا يبعد عنك ولاد الحرام ويهدي ليكي نفسك ....وان اللي حصل ده مش بأيديا ده غصب عني لاني مش هقدر ولا هرضي اعيش مع حد وانا حاسس من جوايا ان قلبه مش معايا وان في شخص تاني لسه في حياته بطريقة ما
لو سعادتك انها تكون انك تتجوزي الشخص ده ....ربنا يهديه ليكي ويبقي الشخص اللي فعلا بتتمني انه يبقي زوج ليكي ويقرب البعيد والصعب
مع السلامة لاكتر سنتين عيشت فيهم بحلوهم ومرهم وخوازيقهم ودلعهم وزعلهم وكل حاجة ....عشان العشرة ما بتهونش الا علي ولاد الحرام وانا العشرة عمرها ما بتهون عليا ...مش ندمان عليهم ولا زعلان لاني اتعلمت فيهم كتير وما حدش بيتعلم بالساهل
مثلا انا عشان شخص انطوائي اي موقف او تعامل مع شخص ليه ذكريات عندي سواء حلوة او وحشة وللاسف بفتكر الاتنين بكل التفاصيل الممكنة ....والناس عندي في حياتي عبارة عن رصيد ما بين الاتنين دول وبحاول دايما اخلي الحلو بس اللي يبقي ظاهر مش الوحش
بس للاسف ساعات كتير الوحش بيغلب الحلو لانه كتير وان الحلو قليل قوي مقارنة بيه لو عملنا مقارنة بالعقل ...المشاعر ممكن تكسب الحلو علي حساب الوحش بس بتبقي مش دايما ومع اشخاص معينة
يعني انا مثلا في كام واحد من صحابي هما اخواتي مهما لو حصل ما بينا هفضل شايلة الحلو لانه كتير وما يتعدش وكمان ظهر في مواقف صعبة كتير من زنقة فلوس في نصيحة وقت شدة في فضفضة في حاجات كتير اوي ...دول شئ مفروغ منهم
الفكرة بقي في الناس اللي بتقابلها في طريق حتي لو المدة طالت ....يعني انا بفكر في كام حد عرفته من اول ما كنت في المدرسة لغاية دلوقتي وما اعرفش حاجة عنه كتير
بس الاصعب بالنسبة ليا ان البنت اللي اتعودت انها تكون في حياتي بصورة ما ودايما كنت بحس انها مرايتي واعرف اتكلم معاها في اي حاجة ومش بتكسف منها ما تبقاش موجودة
اللي فعلا كنت بتكلم معاها من جو قلبي حتي لو كان بالنسبة ليها مش كتير بس انا عمري ما سهل عليا حد يبقي قريب مني كده خصوصا لو بنت واكون بحبها واعزها كده
انا عارف اننا الوقت اللي عرفنا فيه بعض صعب وان المشاكل والخوازيق ملهاش اول من اخر وان شخصيتي وشخصيتها وطباعي وطباعها وطريقة تفكيري وتفكيرها عكس بعض وان ارتباطنا ببعض مستحيل باضافة كمان ظروفي المادية والعائلية الصعبة
ربنا يشهد اني بحبك جدا وانك واحشاني اوي واني مسامحك في اي حاجة حتي لو انت كنتي بتكدبي عليا سواء انك حبتيني او انك بتحاولي تعوضي حبك القديم بيا او اي حاجة حصلت في حياتك ما حكيتش عليها وخايفة اني اعرفها
واني اتمني ليك كل الخير والسعادة ويرزقك من رزقه الحلال وان ربنا يبعد عنك ولاد الحرام ويهدي ليكي نفسك ....وان اللي حصل ده مش بأيديا ده غصب عني لاني مش هقدر ولا هرضي اعيش مع حد وانا حاسس من جوايا ان قلبه مش معايا وان في شخص تاني لسه في حياته بطريقة ما
لو سعادتك انها تكون انك تتجوزي الشخص ده ....ربنا يهديه ليكي ويبقي الشخص اللي فعلا بتتمني انه يبقي زوج ليكي ويقرب البعيد والصعب
مع السلامة لاكتر سنتين عيشت فيهم بحلوهم ومرهم وخوازيقهم ودلعهم وزعلهم وكل حاجة ....عشان العشرة ما بتهونش الا علي ولاد الحرام وانا العشرة عمرها ما بتهون عليا ...مش ندمان عليهم ولا زعلان لاني اتعلمت فيهم كتير وما حدش بيتعلم بالساهل
Comments
Post a Comment