في نص الطريق

علي قد ما الواحد دلوقتي في حياته بيتعلم من المواقف والناس اللي بيقابلهم ...علي قد ما بيتكسر كتير في الفترة دي سواء من اشخاص او مواقف 

من اخر مرة كتبت فيها اني كنت في الشغل الاوقات الحلوة مش دايما بتستمر زي ما بيقولوا اضطريت اسيب الشغل عشان الامتحانات والخرا الكلية وكالعادة خسرت الاتنين الشغل والجامعة

الحمد لله علي كل شئ بس الواحد بيضايق ان لو كسب حاجة بيخسر قدامها عشرين او يخسر كل حاجة مرة واحدة 

المهم الواحد ربنا كرمه بشغل تاني احسن وبفلوس احسن نسبيا من الاولاني وناس بتتعامل معايا كويس جدا بمنتهي الاحترام وكأنهم اهلي بنشتغل وبنهزر وبنضحك 

في الفترة دي طبعا بعيدا عن الشغل حاولت اكسر الاحباط والفشل اللي محيط بحياتي ومش راضي يسبني في حالي ....ابتديت في بيزنس جديد اونلاين ان شاء الله يبقي فاتحة خير عليا 

كمان ابتديت اتعلم اسباني مع ان سبحان الله اخر لغة توقعت اني اتعلمها والحمد لله مخلص كورسين لحد دلوقتي كمبتدأ ولسه مستمر ان اطور نفسي اكتر 

برده بحاول اتقل مهاراتي في المبيعات واتعلم تسويق وادارة اعمال مع محاسبة عشان خطوة البيزنس اللي ببدأ فيه ده هيفرق معايا كتير 

اهم حاجة في كل ده ان الانسان باختياراته يقدر يا يخلي نفسه طول عمره محبط وكاره حياته باللي فيها يا ام ممكن يخلي حياته يوصل فيها للي عاوزه من وهو في بيتهم

الانترنت فعلا ما خلاش حاجة ما تتعملش ما عملهاش ...عاوز تشتغل اونلاين وتجيب فلوس هتعرف , عاوز تتعلم مهارة جديدة او لغة ما فيش مشاكل وهكذا

المشكلة فينا اننا بنستخدمه بس للهلس وحبة الترويش في الفيس بوك وخلافه


ربنا يعين الواحد انه يقدر يكمل انه يطور ويحسن من نفسه وحياته ويهدي ليه نفسه اللهم امين :)